كشفت البلوجر دينا داش، شقيقة الفنان أحمد داش، عن تعرضها لأزمة صحية بعد ولادتها لطفلها الثاني الذي أطلقت عليه اسم حسن، وأوضحت أن حالتها تستدعي تدخلًا جراحيًا.
نشرت دينا عبر خاصية القصص القصيرة على حسابها الرسمي على موقع انستجرام فيديوهات تحدثت فيها إلى متابعيها، حيث قالت: “مش قادرة قوي أرفع إيدي عن كدة، الزاوية مش عاطفية بس شغالة، باختصار بعد الولادة حصلي تعقيدات ومن يوم التلات وأنا في المستشفى بعمل تحاليل عشان نشوف المشكلة إيه، وهعمل عملية بكرة إن شاء الله، أتمنى أكون كويسة”
تابعت دينا “عارفة إنكم مش متعودين أنشر حاجات سلبية، لما بنشر حاجة بكون كويسة ولذاذة ورقص وأخبار جيدة، واكتشفت رد فعل ونظرات الناس اللي بتشوفني في المستشفى كأنهم بيقولوا إن غريب أتعب، الناس فاكرة إنها شايفة حياتي 100% وده مش حقيقي إطلاقا، أنا بس بنشر الحاجات اللي عايزة أوريهالكم واللقطات اللذيذة لكن اللي بيحصل وعايشاه محدش يعرف عنه حاجة”.
وأضافت دينا “ليس لدي رسالة بعينها أقولها لكم لكن إذا تذكرتوني ادعوا لي إن شاء الله أعود إليكم قريبًا”، وتابعت في فيديو جديد “حسيت في الاستوري اللي فاتت شكلي حزين قوي، التواجد على السوشيال ميديا بتشوفوني عندي توازن رهيب لإني بنشر الحاجات الحلوة لو خدتوا بالكم بختفي أسبوعين لو بمر بفترة وحشة أو مضغوطة لما أرجع وأبقى أحسن هحاول أكتر أكون واقعية وأوريكم الجانبين مش عايزة أخضكم عليا الحمد لله أنا كويسة وهبقى كويسة”.
دينا أعلنت في 8 مايو الجاري عبر انستجرام عن استقبالها مولودها الثاني ونشرت صورة من المستشفى وهي تحتضن رضيعها وإلى جوارها طفلها الأول وزوجها وعلقت “أهلا بك في عائلتنا الصغيرة يا حسن نحن الآن مكتملون الحمد لله”.