رسائل هامة للرئيس السيسي خلال فعاليات موسم حصاد القمح إنفوجراف

رسائل مهمة بعث بها السيد الرئيس عبد الفتاح السيسي خلال فعاليات موسم حصاد القمح 2025 بمنطقة الضبعة في محافظة مطروح وأكد الرئيس أن هناك تحديات كثيرة تواجه الدولة لإضافة أراض زراعية جديدة، مضيفًا: “عاوز أقولكم لما نيجي نقول فيه تخطيط بكلم الحكومة والمستثمرين وكل من يساهم في إنجاح الفكرة، ونقول عاوزين ندخل الأرض دي الزراعي بيقابلنا تحديات تمويل وتنفيذ”

وأضاف الرئيس السيسي خلال فعاليات موسم حصاد القمح 2025: “لما نتكلم عن البنية الأساسية المطلوبة في الزراعة.. طاقة وبنية تخدم على الزراعة.. طرق وشبكة كهرباء.. لو بقول عاوز أدخل 800 ألف فدان .. لو ضيعت مني سنة نتيجة أي شيء .. تنسيقنا مكنش كفاية أو عزيمتنا مكنش كفاية.. لو مفيش تمويل مش هنقدر نعمل ده.. لما نضيع موسم زراعي بتضيع مني سنة” وتساءل: “طيب الـ 800 الف فدان تفتكروا متوسط دخلهم في السنة كام؟ 50 ألف جنيه في الفدان يعني 30 مليار جنيه .. يبقا أنت ضيعت من مصر فرصة 30 مليار.. ايوه هتاخدهم السنة الجاية لكن كنت ممكن تاخدهم السنة دي والسنة اللى جايه”

وتابع السيد الرئيس: “تكلفة توصيل مصادر الطاقة لـ 2.2 مليون فدان تتكلف عشرات المليارات”، معلقًا: “وزير الكهرباء يحط إيده معايا بقوة.. وزير الري يحط إيده معايا بقوة.. وزير الزراعة برضه، ويبقا احنا قاعدين بنذاكر ونتابع كلنا مع بعض، مش جهاز مستقبل مصر بس، حتى المستثمرين بتوع القطاع الخاص” وأوضح أن الأرض متاحة لهم وأن ذلك يمثل خطوة كبيرة نحو إتاحة الأرض دون الحاجة للكهرباء أو الطرق، وكل المطلوب هو تقديم خدمة للأرض لإنتاجها

واستطرد الرئيس السيسى قائلاً: “بصراحة عاوزين القطاع الخاص يبقا موجود في القطاع ده، على حجم المتاح بنتكلم في أرقام كبيرة حدا هنعملها” وأشار إلى أن هذا الشغل لا يمكن أن يسير بدون كهرباء وأن توصيل الكهرباء للمناطق هذه يتطلب استثمارات كبيرة لتمكين دخول 100 ألف فدان للزراعة الحقيقية

وتابع الرئيس السيسي: “الـ 600 ألف فدان هيتشغل فيهم كام واحد؟ لو هنقول كل فدان واحد يبقا حوالي 600 الف إنسان يبقا 600 الف أسرة بتدخلهم دخل مش هيقل عن 7 آلاف جنيه في الشهر” وأوضح أنه من أجل بناء بنية أساسية فإن تكلفة الـ100 ألف فدان تتطلب حوالي 300 ألف جنيه للفدان ليصبح قابلاً للزراعة مما يعني أن المليون فدان ستتكلف حوالي 300 مليار جنيه

وشدد السيد الرئيس عبدالفتاح السيسي على ضرورة تكامل عمل مؤسسات الدولة بالمشاركة مع القطاع الخاص في مجال البنية الأساسية الخاصة بالزراعة وأكد أن “البنية الأساسية في الزراعة تحتاج إلى تضافر جهود وزارات الزراعة والري والكهرباء والنقل، وتوفير التمويل اللازم لعملية التنفيذ”.

واستفسر السيد الرئيس عبدالفتاح السيسي عن عدم توفر مصنع لإنتاج لبن البودرة في مصر حتى الآن قائلاً: “لبن البودرة 45 مليون علبة .. لغاية دلوقتي ميتعملش مصنع لإنتاج لبن الأطفال في مصر؟ واستورده ميتعملش مصنع..امسكه في موضوع موضوع وخلصوه”

Aضاف: “بقول للمستثمرين ورجل الصناعة والغرف إذا كنتم عاوزين تنقلوا بلدكم من وضع لوضع أحسن مش هيبقا سهل.. هتبحث وتجرى وتصر على موقفك لغاية ما ربنا يسدد خطاك” ودعا الجميع للاستفادة كرجال صناعة وزراعة وحكومة من أجل مصر ولتغيير الواقع الذي يعيشونه

وواصل الرئيس قائلاً: “بدل ما أدي فلوس كل شهر في تكافل وكرامة ممكن أدي حاجة من دي تغني الناس.. إنتاجنا في اللحوم والألبان يغني الناس.. طيب إزاى نقدر نعملها مع بعض؟ هل ده معناه الراجل اللى في القطاع الخاص ميكسبش؟ لا يكسب”