حسن شاكوش يرد على منتقديه مؤكداً أنه لا يحب التظاهر بالتعب رغم السخرية

القاهرة- سلاش ويب:

وجه مؤدي المهرجانات حسن شاكوش رسالة لمتابعي صفحته الرسمية على موقع فيسبوك، كما رد على منتقدي أدائه وصوته أثناء غنائه في إحدى المناسبات، حيث نشر شاكوش فيديو من أحد الأفراح التي تواجد فيها وعلق قائلاً “حبيت أوضح حاجة بس، أنا مبحبش أطلع وأبين إني تعبان وأقول على التعب اللي في صوتي والأحبال الصوتية عندي عاملة كده في صوتي ومخلياني مش قادر أتكلم”، وتابع “بس ده كان فرح أخويا الصغير نور التوت، وكان لازم أجي على نفسي وأغني لكن مقدرتش زي ما أنتوا شايفين” مما يعكس صعوبة حالته الصحية خلال الأداء.

أضاف شاكوش “عشان بس الفديوهات منتشره والناس بتتريق وده من حقكم طبعا، بس الواحد لما بيجيله دور برد عادي مبيقدرش يتكلم أصلا، وده الفيديو كمان عندي أهو”، وقد تداول رواد مواقع التواصل الاجتماعي فيديو لشاكوش وهو يغني مقطع من أغنية “أنا غلطان” للمطرب بهاء سلطان، وبجواره المطرب محمود الليثي، مما أدى إلى انتقادات الجمهور لأدائه وصوته.