هيدي كرم توجه رسالة لمتابعيها تعبر فيها عن أن بركات الله حاضرة في كل مكان

كتب – معتز عباس:

دعت الفنانة هيدي كرم جمهورها عبر السوشيال ميديا إلى الثقة المطلقة بالله، مشددة على أن اليقين الصادق يفتح أبواب المستحيل حتى لو بدت الأمور صعبة التحقيق، ونشرت هيدي مقطع فيديو لها عبر حسابها على موقع “انستجرام” بعنوان “بركات الله في كل مكان”.

وتحدثت هيدي في الفيديو عن أهمية العلاقة بين الشخص وربنا قائلة: “لما تيجي تطلب طلب من ربنا والطلب ده يعني أنك لجأت لربنا عشان طلب صعب ويمكن يكون مستحيل تحقيقه أو مش منطقي أو مش عادي ولا طبيعي وتطلب الطلب ده من ربنا، أقعد بقى ارتاح وأرجع كده لورا واطمئن واهدى واقعد اتفرج على صنع ربنا وتجليه في حياتك لأن ربنا عايزك تطلب الطلب عشان هو يتجلى في حياتك ويحقق لك اللي طلبته فأنت تمجد اسمه”

وأضافت: “أي كان الطلب مهما كانت صعوبته ازاي هيتم وكيفية التنفيذ، لو فلوس منين وازاي هتيجي دي مش بتاعتك دي بتاعته هو، هو عايزك تتطلب وتقعد تتفرج عليه وهو بيحقق لك طلبك لأن هو ده الإيمان الحقيقي إني أطلب ومشيلش هم وأطلب وأنا عارف هيتحقق طلبي لو في مصلحتي هيتم ولو ميأذينيش ولا يأذي حد غيري هيتم”

وأتمت: “أطلب طلبك من ربنا وانت كلك إيمان وثقة أن الطلب خلاص حصل والمراد اتحقق، ربنا عايزك تطلب وتطمع فيه وتطمع في طلبك وتطلب الحاجات اللي مستحيل تتحقق هو رب مستحيلات”

يذكر أن هيدي كرم شاركت في بطولة مسلسل “وتر حساس” بجانب صبا مبارك ومحمد علاء وإنجي المقدم وهيدي كرم ومحمد علي رزق وتأليف أمين جمال وإخراج وائل فرج.

اقرأ أيضا..