ملك زاهر تتحدث من المستشفى عن حالتها الصحية بعد ثلاثة أيام من التعب وعدم فهم السبب

كشفت الفنانة الشابة ملك زاهر لمتابعيها عبر السوشيال ميديا عن تفاصيل أزمة صحية مفاجئة تعرضت لها، كما شاركتهم بعض جوانب حياتها الشخصية في خطوة جريئة تهدف إلى التواصل مع جمهورها بشكل أعمق.

وكتبت ملك في ستوري عبر حسابها الرسمي بموقع “إنستجرام”: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار بيني و بين صحابي”

وأضافت: “بس بجد حاسة أن الفترة الأخيرة بيجيلي كومنتس كلها ما انتي عايشة ومبسوطة واحنا مش عايشين، وإيه كل اللي انتو فيه وحاسة إن في الناس بصة علي اتفه الحاجات اللي ممكن تكون عندي بتبسطني، زي مثلا اني انزل اروح الجيم أو اخرج مع صحابي أو يكون شكلي حلو وأنا رايحة ايفينت معين”

وتابعت: “حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي”

وأكملت: “أنا بحكي الكلام ده عشان تعرفوا بس إن حياتي فيها الحلو والوحش، والله زي أي حد بس أنا بحب دايما أشير الحلو بس وغالبا ده غلط فقررت أشارككم”

واختتمت: “كمان الوحش ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام بس والهدف من الستوري دي مش إن أي حد يقلق لأن الحمد لله نفسيتي وحشة أوي كويسة وإن شاء الله الي عندي ده حقيقي كل الي طالبه أنكم

ماتحكموش علي حد من السوشيال ميديا أو من ظهوره في أي حاجة لأنها بتوري بس يمكن ٢٠٪ من حياته”.

ووجهت ملك رسالة لمتابعيها قائلةً: “أدعولي أخف بسرعة وشكرًا، وأنا تمام مافيش حاجة مقلقة أنا بس حسيت أني محتاجة أشارك الوحش زي ما أنا بشارك الحلو مش أكتر”

يجدر بالذكر أن ملك أحمد زاهر شاركت خلال الموسم الرمضاني الماضي في مسلسل “سيد الناس” الذي جمع كوكبة من النجوم مثل عمرو سعد وإلهام شاهين وأحمد زاهر وغيرهم تحت إخراج محمد سامي.